Чистење на декантерот - пред и после негово користење

Со честото користење на вашиот декантер за вино тој може да се обои, бидејќи танините и пигментот од црвеното вино создаваат остаток и дамки. Со текот на времето ваквиот остаток на вино може да ја смени малку аромата на идните декантирани вина. Редовното чистење го одржува вашиот декантер чист и без дамки.
Се разбира, чистењето на декантерот може да биде по застрашувачки за разлика од чистењето на чашите. Постојат повеќе форми и големини на декантери и вински чаши, но чистењето на ќошињата и вратот на декантерот е малку потешко, речиси невозможно.
​Но! Ние сме тука да ви помогнеме... 

​За нашата помош да има подобри резултати за чистење на декантерот и дамките, најпрво треба да разберете што тие дамки содржат
• Танини - колку е постаро виното, толку помалку растворливи во вода може да бидат.
​• Пигменти - добро се раствораат во алкохол.
• Преостанатиот или не-ферментиран шеќер - лесно се раствора во топла вода.
• Киселини -  растворливи во вода и во алкален раствор.
• Плус низа други органски молекули.

​Совети за чистење на декантерот пред и после негово користење

ЧИСТЕЊЕ НА ДЕКАНТЕРОТ ПРЕД НЕГОВО КОРИСТЕЊЕ

Дури и ако ви изгледа кристално чист декантерот, освен ако не ја користите барем неколку пати неделно, треба да му дадете брзо плакнење пред да го истурете виното во него. Но! Не користете вода! Водата од чешмата има хлор. Наместо тоа, количината што ја истурате во чашата за да се осигурате дека виното е исправно за пиење со мирисање, истото вино ставете го во садот. Исплакнете ја внатрешноста на декантерот за да ја соберете прашина или други честички, а потоа фрлете го. Сега вашиот декантер е чист во друга смисла и е подготвен за преточување на виното кое е  внимателно избрано!
​​
 ЧИСТЕЊЕ НА ДЕКАНТЕРОТ ПОСЛЕ НЕГОВО КОРИСТЕЊЕ 
​
Може сте од оние кои преферираат темелно да го исплакнат декантерот само со топла вода, но тоа не ги прави секогаш доволно чисти. Вградените дамки од вино изгледаат сериозно непривлечни. Или пак, машината за садови да ви изгледа најпогодна, но таа не е соодветна. Чистењето на декантерот бара внимателно постапување. 
Исто така, средствата за чистење на стакло се достапни секаде, но постои еден проблем - оставаат мирис на хемикалија. Но, кога зборуваме за трикови, постојат многу начини да се исчисте декантерот ефиктивно. Да видеме кои се тие:
 
Начин 1 - ИСПЛАКНЕТЕ ГО СО ОЦЕТ

Ова е нешто што веројатно веќе го имате во вашата кујна. Но, некои оцети се дефинитивно подобри од другите. Белиот дестилиран оцет или бел вински оцет најдобро функционираат, бидејќи тие се безбојни и не остваат мирис. 
Прво, исплакнете го декантерот со многу топла вода, оставајќи го да се впие неколку минути ако има дамки. Потоа, истурете го оцетот внатре и разредете со малку вода. Провртете ја течноста околу садот, или ставете ја раката на врвот и добро протресете, но внимателно!. Истурете го оцетот со водата и повторно темелно исплакнете го со топла вода за да се отстрани мирисот на оцет.
​

Начин 2 - ИСПЛАКНЕТЕ СО СОЛ И МРАЗ

Ова е уште еден паметен начин. само осигурајте се дека користите груба сол за максимален ефект. Истурете малку сол и кршен мраз во декантерот и внимателно провртете го. Комбинацијата на сол и мраз ќе има чистачки ефект врз оние тешки дамки. Ако сакате можете да го оставите мразот да се стопи и да постои некое време, потоа исплакнете го декантерот со вода на собна температура или млака (не премногу топла). Алтернативно, можете да користите обична ситна сол за да направите извонредно средство за чистење. Само додајте ја во оцет и вода - методот опишан погоре.
​

Начин 3 - ПРОВРТЕТЕ СО ТОПЧИЊА СПЕЦИЈАЛНИ ЗА ЧИСТЕЊЕ НА ДЕКАНТЕР

Станува збор за метални топчиња од не'рѓосувачки челик. Се што треба да направете е ги ставете во вашиот декантер со топла вода и да провртете. Тие ќе ги омекнат остатоците и цврстите дамки многу ефикасно. Истурете ја водата и топчињата ставете ги во цедалка, потоа измијте ги и оставете ги целосно да се исушат пред повторно да ги употребите.
​

Овие топчиња можете да ги најдете тука.

​КАКО ДА ГО ИСУШИТЕ ДЕКАНТЕРОТ

Од кога вашиот декантер е чист, следно е како да ги спречите капките вода од уништување на изгледот на декантерот за следната употреба. 
Додека сеуште е топол од миењето, исушете ја надворешноста со чисти крпи од микрофибер или хартиена мека хартија. За внатрешноста, не постои друг ефективен начин освен да го поставете на дршка за цедење превртен со отворот надоле. Осигурајте се дека дршката е стабилна и издржува доволно тежина, бидејќи кристалните декантери се поприлично многу тешки. Чувајте го така се додека потполно не се исуши. 
 
КАКО ДА ГО ЧУВАТЕ ДЕКАНТЕРОТ

Идеално место за складирање на декантерот е каде што има циркулација на воздухот. Шкафовите и плакарите честопати мирисаат (уште една добра причина да се исплакне со вино пред да го користите.) Ако имате капаче, дефинитивно искористете го за да спречите собирање на прашината во декантерот. 

ШТО НЕ ТРЕБА ДА ПРАВИТЕ!

- Не користете детергент за миење садови кога го чистите вашиот декантер за вино.
- Користите само специјални помагала за чистење декантер - сунѓерот може да го изгребе стаклото.
- Не користете метил алкохол.
- Не дозволувајте вашиот декантер да седи на платно или крпа подолго од потребното.
- Исчистете го декантерот што е можно поскоро по употреба. Не дозволувајте дамките од вино да се засушат. 
- Не дозволувајте црвеното вино да седне во декантерот преку ноќ.
- Не користете машина за перење садови. ​