Црвени вина со полно тело

Традиционално, постојат два начина да се разберат вината: по сорта или по регион. Овој пристап е многу точен, но бара многу учење. За среќа, можете да започнете да ги класифицирате вината според 9 пошироки стилови што ќе го олеснат учењето за илјадниците сорти на вино и региони. Наш предлог е да започнете од телото на виното. 

9-те стилови на вино

• Црвени вина со полно тело
• Црвени вина со средно тело
• Црвени вина со лесно тело
• Бели вина со полно тело
• Бели вина со средно тело
• Бело вино со лесно тело
• Розе вина
• ​Пенливи вина
• Десертни вина

Бојата на виното најмногу зависи од неговото тело. „Телото“ е збор што се користи за да се опише тежината и чувството на виното во устата. Постојат голем број на фактори кои можат да придонесат за телото на виното. Еден од највлијателните е екстрактот. Екстрактот ги вклучува сите елементи на виното кои се нестабилни цврсти материи, како киселини и танини.

За полесно да ги разберете и разликувате овие стилови на вино, ќе го поделиме овој серијал "стилови на вино" во 9 дела и ќе навлеземе подетално за секој стил поединечно. Да не должиме многу, да почнеме... 

Црвени вина со полно тело (Каберне Совињон, Сира, Каберне Франк)

Вината со полно тело имаат повисоки танини и повисок алкохол. Танините се чувствуваат во предниот дел над забите, она што ние го нарекуваме непце и претставуваат она чувство на сушење на устата. Тие потекнуваат од лушпата и семките од грозјето и од дрвените буриња во кои зрееле. 

Боја - најлесно ќе ги разликувате по нивната боја

Производство

Во текот на производството после алкохолната ферментација, може да се случи дополнителна секундарна ферментација, наречена малолактичка ферментација. Ова резултира во зголемено ниво на млечна киселина, давајќи му на виното полн и кремаст вкус. Исто така, за време на стареењето виното може да се чува во дабови буриња, што создава повеќе танини и побогата арома и ова придонесува за полното тело  на виното. Друг фактор што придонесува за полното тело на виното е температурата на климата каде што се произведува. Повисоките температури резултираат со развој на послатко грозје, кое дава поголема содржина на алкохол и полно тело.

Арома 

Служење 

Собна температура: ​17-20 °C
Храна: Треба да ги спарите со храна со иста моќност, како што е убаво сочно говедско месо.
Чаша: Голема чаша за целосно да ги достигнете неговите ароми и вкусови.

Следно ќе зборуваме за црвени вина со средно тело. Препорачуваме да бидете во тек и да ја комплетираме листата заедно!