Кои грешки се прават при консумирање вино и како да ги исправите

Дегустацијата на виното е комплициран универзум, па дури и експертите прават понекогаш грешки. Најголемата грешка е да се верува дека за проценка на виното треба да се има техничко познавање за него. Овие дополнителни информации би можеле да ви помогнат, но тие нема да го подобрат вашето искуството за вкус. Направете го ова едноставно како предност. Па, да поразговараме за некои грешки што сите ги правиме кога консумираме вино. 

Ја полните чашата до крај

​Виното не е пиво. Иако постојат чаши што можат да го соберат целото шише вино, тоа не значи дека мора да се наполни целата чаша. Наместо тоа, доволно е да налеете само ⅓ од чашата без разлика дали е црвено или бело вино. Ова ќе ви овозможи ја да провртите чашата и да ги ослободите аромите од него. Едноставно, ова ќе ви овозможи да уживате и во повеќе срамежливите, суптилни ароми.

---

Ја држите чашата на садот

​Држете ја чашата за нејзиното стебло, а не на садот. Чашата за вино има стебло со причина. Кога ја држите чашата со вино на садот, топлината на телото од раката го загрева виното, освен ако не го сакате вашето вино потопло. Во просторијата полна со консументи, секогаш можете да кажете кои се искусните експертите по начинот на држењето на чашата.

---

Купувате вино според етикетата

​Едноставните две правила гласат: Не судете ја книгата според нејзината корица. Не купувајте вино поради неговата етикета или амбалажата. Не секогаш ќе бидете позитивно изненадени откако ќе го отворите виното. 

---

Постојано консумирање на истото вино

Постојат над 6 милиони вина во светот, кои произлегуваат од илјадници различни региони и сорти на грозје. Она што го прави виното забавно е бесконечните можности. Впрочем така го зголемувате и вашето винско искуство. Секогаш можете да пронајдете нешто ново и интересно за да истражите и уживате. Не размислувајте дека ви се допаѓаат само мал број на вина од одредно грозје и региони.

---

Се придржувате до класичните правила
​за спарување на вино и храна

Често слушаме за спарување на црвено вино со црвено месо и бело вино со морска храна. Ова се препораки, а не апсолутни правила за живеење. Не секогаш треба да се придржувате до овие правила. Она што ги прави вината забавни е да пробувате нови вина, да пробате нови прилики за уживање во виното и да пронајдете нови комбинации самостојно. Се е до вашите перцептори за вкус и доколку сакате да консумирате јаки црвени вина со лесно месо, па и со риба тогаш така нека биде.

---

Консумирате премногу брзо

​Виното понекогаш може да биде толку добро, што забораваме да уживаме и да учиме за него. Кој го прави? Од каде е? Што се случува со оваа сорта на грозје? Зошто ми се допаѓа или не ми се допаѓа ова вино? Што вкусувам? Овие прашања ни помагаат да научиме, да уживаме повеќе и да ни помогне да станеме подобри познавачи за виното. Забавувајте се и учете. Успорете, не пијте премногу брзо!

---

​