Примарни ароми на виното

Примарните ароми во виното се квалитети што ги открива нашето сетило за мирис и се специфични за сортата на винското грозје. Примарните ароми поттекнуваат од грозјето и генерално се поделени на овошни, хербални, цветни, па дури и понекогаш се јавува мирис на зеленчук.

​Општо земено, колку е потемни виното, толку потемно овошје можете да откриете во аромата на виното.
​Кај белите вина, вообичаено е да се вкусат цитрусни овошја како што се лимета, лимон, портокал и грејпфрут.
Исто така честопати може да се појават ароми на овошје како што се јаболка, круши, дуња и праска.
Покрај тоа, во зависност од климата во која се одгледувало грозјето, во белите вина можете да вкусите и тропско овошје: ананас, гуава или манго.
Во црвените вина е поголема веројатноста да детектирате црвено овошје, како што се јагоди, црвена слива или црвена цреша.
Колку е подлабоко и поинтензивно црвеното вино, толку е поголема веројатноста да вкусите црно овошје. Овие може да вклучуваат црна цреша, капини, сливи и боровинки.
Во десертните вина, можете дури и да откриете концентриран интензитет на сушено овошје, како суви смокви,  или сливи.

Виното што претежно вкусува „зеленчук“ или „зелено“ често се случува да биде со мана. Ваквите мани можат да укажат на проблеми настанати во процесот на производство на вино, како што е винификација со презреано грозје. Сепак, некои сорти на грозје, како што се Совињон Бланк или Каберне Франк, природно имаат хербални ароми. 
И црвените и белите вина можат да развијат ноти на зеленчук.
Аромите со зеленчук може да вклучуваат аспарагус, артичока, зелена или црна маслинка и, се разбира, многу често откриената зелена пиперка.
Тревните ноти вклучуваат исечена трева, лист од домати, нане, еукалиптус, бор, ловоров лист, мајчина душица, оригано, босилек и магдонос.
Ако хербалните ноти се во рамнотежа со овошјето и другите ароми на вино, тогаш оваа зелена нота може да биде многу пријатна во виното.

Љубителите на вино го користат терминот „цветни“ за да го опишат мекиот и свеж мирис на цвеќиња што често ги откриваме во ароматични сорти на црвено и бело вино. Сепак, некои сорти на вино честопати издвојуваат специфични цветни ароми.
Цвет од портокал често се открива кај млад, сув Мускат.
Ливчиња од роза е честа појава кај нежните црвени вина како што се Пино Ноар и Небиоло, но исто така и во многу ароматичниот бел Gewürztraminer. 
Цветовите од лаванда и липа се ароми кои се наоѓаат во Ризлингот.
Нежните, меки црвени вина како што се Малбек, Каберне Франк и зрелиот Пино Ноар, често мирисаат на темјанушка.